نبات البامبو والخرز الأزرق..

فكرت كيف أقدر أزين هذي المزهرية الشفافة مع البامبو... وعجبني لون هذا الخرز الأزرق والفراشات.. ونفذت هذا التزيين.. خطواتي مصورة:

مزهرية (زجاجة) .. نبات البامبو (متوافر في كل محلات الزهور).. عقد خرز أزرق لامع.. فراشات للزينة.. مسدس الشمع..

أول شي ثبت طرف العقد على عنق الزجاجة بالشمع.. ولفيته عدة مرات كما في الصورة3.. وثبت نهايته (الصورة4)..

بعدين قمت بتثبيت عقد ثاني على طرف الحلقة اللي سويتها ونزلت شوي منها .. وثبت الطرف الثاني على الحلقة عشان يطلع الشكل اللي في الصورة 3..

لزقت الفراشة في وسط الحلقة..

بعدين حطيت البامبو وحواليه الخرز عشان يثبت (مثل الصورة اللي في الأعلى)...(أنا ما أفهم وايد بطبيعة النباتات وهذي تجربة انا سويتها فما أعرف إذا البامبو يقدر يعيش في الخرز ولا لا... بسأل المختصين في هالأمور وبتأكد)..

وهذا الشكل النهائي... وبصراحة طلع اللون الأزرق وااااااااااايد روعة

^^